ყაზბეგი _ ზემო-ლარსის საკონტროლო-გამშვები პუნქტის გახსნა გაამყარებს საქართველოს როგორც ტრანზიტული ქვეყნის პოზიციას, _ განაცხადა სომხეთის პრემიერ-მინისტრმა ტიგრან სარქისიანმა. მან დღეს სომხეთში ახლადანიშნული საქართველოს ელჩის გრიგოლ ტაბატაძე მიიღო.
მისივე თქმით, საკონტროლო-გამშვები პუნქტის გახსნა დადებითად აისახება რეგიონის შემდეგომ ეკონომიკურ განვითარებაზე.
შეხვედრაზე ასევე განიხილეს სომხურ-ქართული ეკონომიკური თანამშრომლობის სამთავრობათშორისო კომისიის მუშაობის მიმდინარეობა, რომლის მერვე სხდომა მომავალი წლის დასაწისში, ერევანში გაიმართება.
შეხვედრისას ასევე საუბარი შეეხო ქართული კულტურის დღეების ერევანში წარმატებულად გამართვის საკითხს.
