საქსტატი ფასების სტატისტიკის კვლევის თანამედროვე ელექტრონულ მეთოდებზე გადადის. საქართველოს სტატისტიკის ეროვნული სამსახურის ფასების სტატისტიკის სამმართველოს თანამშრომლებს აშშ-ს საერთაშორისო განვითარების სააგენტოს (USAID) კავკასიის მისიის მიერ დაფინანსებული პროექტის Enhancing Capacity Across Sectors in Transition (FORECAST) ფარგლებში ორგანიზაცია World Learning-ის ხელმძღვანელობით 5- დღიანი ტრენინგი ჩაუტარდებათ.
ტრენინგის პირველი ეტაპი ფასების სამმართველოს თანამშრომლებმა მიმდინარე წლის იანვრიში გაიარეს.
ტრენინგი ითვალისწინებს სამომხმარებლო ფასების (ინფლაციის) რეგისტრაციის ქაღალდის ფორმიდან მონაცემების პორტალური კომპიუტერების საშუალებით შეგროვებაზე გადასვლას.
რაც უფრო მეტად სანდოს, ხარისხიანს და ოპერატიულს გახდის საველე სამუშაოებს. საუბარია, საქსტატის ფასების რეგისტრატორების მიერ ფასების აღიცხვის პროცესში მინი კომპიუტერების გამოყენებაზე.