1-ელ მარტს, 10:00 საათზე, სასტუმრო "ჰოლიდეი ინში" გაიმართება საერთაშორისო კონფერენცია, სახელწოდებით "წარმატების ფორმულა ქართველ ფერმერებს". კონფერენციის მიზანია სოფლის მეურნეობის სფეროში განათლების, დაფინანსების და პარტნიორობის ხელშეწყობა და ამ სფეროს განვითარება.
კონფერენცია ტარდება საქართველოს პრეზიდენტის ადმინისტრაციის მხადრაჭერით. მასში მონაწილეობას მიიღებენ საქართველოს მთავრობის წევრები, ადგილობრივი და საერთაშორისო ფინანსური ორგანიზაციების წარმომადგენლები, ქართული და უცხოური აკადემიური დაწესებულებები, ასევე სასოფლო-სამეურნეო სფეროს წარმომადგელნები და სტუდენტები.
კონფერენციას გახსნის საქართველოს უნივერსიტეტის რექტორი, მანანა სანაძე. სიტყვით გამოვლენ განათლებისა და მეცნიერების მინისტრი, დიმიტრი შაშკინი, ეკონომიკის და მდგრადი განვითარების მინისტრი ვერა ქობალია, სოფლის მეურნეობის მინისტრი ბაკურ კვეზერელი და სხვა ქართველი თუ უცხოელი სპეციალისტები.
"ისტორიულად საქართველო აგრარული ქვეყანაა. სოფლის მეურნეობის სხვადასხვა დარგი საუკუნეების განმავლობაში ვითარდებოდა საქართველოში, შესაბამისად საქართველოს მომავალი ეკონომიკური განვითარების ერთ-ერთი ქვაკუთხედი სწორედ სოფლის მეურნეობა უნდა გახდეს. სწორედ ამიტომ, მივესამლები ამ სფეროში საგანმანათლებლო ინიციატივების ხელშეწყობას", - აცხადებს საქართველოს უნივერსიტეტის რექტორი.
კონფერენციის ორგანიზატორები არიან საქართველოს უნივერსიტეტი და სელექციისა და მეთესლეობის ფრანგული კომპანია ჩაუსსადე შემანცეს.
