"ბათუმის მერიასა და ფრანგულ კომპანია Intercycles -ს შორის ხელშეკრულება გაფორმდა", - ამის შესახებ აჭარის ტურიზმის დეპარტამენტის თავმჯდომარემ ბაჩუკი ჩხეიძემ განაცხადა. ხელშეკრულების თანახმად, კომპანია საზოგადოებრივი ველოსისტემის ოპერირებას განახორციელებს.
უკვე ცნობილია რომ "თამარის" (ე. წ. ბენზე) დასახლებიდან ბულვარის ბოლომდე საზოგადოებრივი ველოსისტემა მოეწყობა, სადაც ნებისმიერ მსურველს ველოსიპედით გასეირნება და მისი დაქირავება შეეძლება.
პირველი ეტაპისთვის, აღნიშნულ ტერიტორიაზე 10 ტერმინალი ამოქმედდება, რომელსაც 120 ველსიპედი მოემსახურება.
პროექტის ღირებულება დაახლოებით 200 ათას ევროს შეადგენს და მისი განხორციელება ჯანსაღი ცხოვრების წესის პოპულარიზაციას შეუწყობს ხელს, განტვირთავს მოძრაობას და ხელს შეუწყობს ეკოლოგიური მდგომარეობის გაუმჯობესებას.
ველოტრასის მშენებლობა უკვე დაწყებულია და 2011 წლის ტურისტული სეზონიდან სრული დატვირთვით ამუშავდება კიდეც.
აჭარის ტურიზმის დეპარტამენტში აცხადებენ, რომ სისტემა პირველია საქართველოში და მთელს პოსტსაბჭოურ ქვეყნებში; ბათუმის ველო სისტემა იძლევა კარგ საშუალებას იაფად, უსაფრთხოდ გადაადგილებისა და ქალაქის დათვალიერების. აღნიშნული სისტემის დანერგვა გაამრავალფეროვნებს ტურისტულ პროდუქტს.
ამ დროისთვის ქუჩებზე ველოსიპედისტების განკუთვნილი ბილიკების დახაზვა მიმდინარეობს, პირველი ეტაპისთვის დაწყებულია ბილიკების დახაზვა სანაპირო ზოლის მიმდებარე ტერიტორიაზე (სულ მახინჯაურიდან კვარიათამდე 30 კმ), მეორე ეტაპზე, დაიხაზება ძველ ბეთუმში და შემდეგ ქალაქის სხვა დანარჩენ ქუჩებში (40 კმ).
საზოგადოებრივი ველო სისტემა სამომავლოდ ქობულეთის ბოლომდეც დაგრძელდება.
ველოსისტემებით სარგებლობა შესაძლებელი იქნება 24 საათის განმავლობაში, მომხმარებელს შეუძლია იქირაოს ველოსიპედი 24 საათის განმავლობაში, ასეთი ტერმინალები ქალაქში იქნება რამდენიმე, გადახდა იწარმოებს სპეციალური ბარათების საშუალებით.
