დღეიდან საცალო ქსელში საწვავის ღირებულება 5 თეთრით გაძვირდა. კომპანია "ლუკოილის" ინფორმაციით, დღეიდან მათ ავტოგასამართ სადგურებზე ყველა ტიპის საწვავის ფასმა 5 თეთრით მოიმატა.
5 თეთრით გააძვირა საწვავი ასევე კომპანია "ვისოლმაც". კომპანიის ინფორმაციით, დღეიდან მათ ქსელში "აპი სუპერის" ღირებულება 2.25 ლარია, "აპი პრემიუმი" 2.20 ლარი ღირს. "ევრო რეგულარის" ფასი 2.10 ლარით განისაზღვრა, "აპი დიზელის" ფასი კი 2.30 ლარით. "დიზელ ენერჯის" ფასი 2.15 ლარია, ხოლო "რეგულარ ენერჯის" ღირებულებამ 2,05 ლარი შეადგინა.
რაც შეეხება "ლუკოილის" ქსელს აქ ფასები შემდეგ ნიშნულამდე დაკორექტირდა Euro Diesel - 2,25 ლარი, Euro Premium - 2,13 ლარი, Euro Regular - 2,05 ლარი, Euro Super - 2,25 ლარი, ხოლო Premium Avantguard ტიპის საწვავის ფასმა 2,20 ლარი შეადგინა.
შეგახსენებთ, რომ ნიუ-იორკის სავაჭრო ბირჟაზე WTI ტიპის საწვავის ღირებულებამ 0,6 % ით გაიზარდა და ბარელზე 97,88 დოლარი შეადგინა, ლონდონის ბირჟაზე კი Brent ტიპის საწვავი 0,78 %ით გაძვირდა და ბარელზე 112,14 დოლარი შეადგინა.