აშშ-ის ძალებმა ირანის ლარაკის კუნძულზე ორ სარაკეტო გამშვებ დანადგარს დაარტყეს. ინფორმაციას Reuters ამერიკელ ოფიციალურ პირზე დაყრდნობით ავრცელებს.
„ვადასტურებ, რომ დღეს დილით აშშ-ის ძალებმა ლარაკის კუნძულზე ორ გამშვებ დანადგარს დაარტყეს. ისლამური რევოლუციის გუშაგთა კორპუსის ძალები ჰორმუზის სრუტეში საზღვაო ნაღმებით აღჭურვილი რაკეტების გასაშვებად ემზადებოდნენ“, - განაცხადა წყარომ.
„ისლამური რევოლუციის გუშაგთა კორპუსმა“ თავდასხმის ფაქტი დაადასტურა. გავრცელებულ განცხადებაში კორპუსის წარმომადგენლები ამბობენ, რომ დაიღუპა და დაიჭრა რამდენიმე სამხედრო მოსამსახურე და მშვიდობიანი მოქალაქე. თავდასხმაზე პასუხისმგებლობა აშშ-სა და ისრაელს დაეკისრა. განცხადებაში ასევე ნათქვამია, რომ თავდასხმა „აგრესორის დასჯას გამოიწვევს“.
