რუსეთის სტავროპოლის მხარეში საქართველოდან მიმავალი ავტობუსისა და „კამაზის“ მარკის სატვირთო მანქანის შეჯახების შედეგად 6 ადამიანი დაიღუპა, - ინფორმაციას რუსული მედია რეგიონულ სახელმწიფო საგზაო ინსპექციაზე დაყრდნობით ავრცელებს.
30 აგვისტოს ღამით, სტავროპოლის მხარეში, ჟელეზნოვოდსკთან, ფედერალურ გზატკეცილ „კავკაზზე“ საქართველო–მოსკოვის რეისის ავტობუსი „კამაზის“ სატვირთოს შეეჯახა, რის შემდეგაც ავტობუსი გზიდან გადავიდა და თხრილში გადავარდა. წინასწარი ინფორმაციით, ავტობუსში 43 ადამიანი იმყოფებოდა.
დაშავებულია 38 ადამიანი, მათ შორის 10 ბავშვია.
