ესტონეთის საგარეო საქმეთა მინისტრი მარგუს ცაჰკნა რუსული ძალების მიერ კიევის ოლქის ბუჩის რაიონზე იერიშს ეხმიანება.
მისი თქმით, კრემლის გეგმა უნდა ჩაიშალოს და რუსეთზე ზეწოლა უნდა გაძლიერდეს
"რუსეთის მიზანი ნათელია - ტერორი და განადგურება. ამ კვირაში კრიტიკულ ინფრასტრუქტურაზე განხორციელებული განმეორებითი დარტყმები მიზანმიმართულ მცდელობაზე მიუთითებს, რომ ზამთრის წინ უკრაინელები სიცივეში, შიმშილსა და სიბნელეში დატოვონ.
კრემლის გეგმა უნდა ჩაიშალოს. რუსეთზე ზეწოლა უნდა გაძლიერდეს - უფრო მკაცრი სანქციებით, საერთაშორისო იზოლაციის გაღრმავებით და ნულოვანი დათმობებით.
უკრაინის მხარდაჭერა მტკიცე და ურყევი უნდა დარჩეს და ყველა ფორმის დახმარება უნდა გაგრძელდეს", - წერს ცაჰკნა.
ბოლო მონაცემებით, ბუჩის რაიონზე რუსეთის იერიშს 37 ადამიანი ემსხვერპლა.
