უკრაინის პრეზიდენტმა ვოლოდიმირ ზელენსკიმ აშშ-ის ყოფილ ვიცე-პრეზიდენტ მაიკ პენსთან შეხვედრისას ამერიკას სთხოვა, უკრაინისთვის საკუთარი დარჩენილი Patriot-ის რაკეტების მარაგის დაახლოებით 5% მიეწოდებინა. ამის შესახებ პენსმა CNN-ის ეთერში განაცხადა.
პენსის თქმით, ეს შესაძლოა აშშ-ის მოკავშირეებისთვის, მათ შორის სამხრეთ კორეისთვის, შესაძლებლობად იქცეს.
ბოლო პერიოდში აშშ-სა და სამხრეთ კორეას შორის ურთიერთობები მას შემდეგ დაიძაბა, რაც პრეზიდენტმა დონალდ ტრამპმა პენტაგონს აშშ-სა და სამხრეთ კორეის ერთობლივი სამხედრო სწავლებების „მნიშვნელოვნად შემცირება“ დაავალა. ტრამპმა ეს გადაწყვეტილება იმით ახსნა, რომ ჩრდილოეთ კორეა მისი პრეზიდენტობის პერიოდში „საფრთხეს არ წარმოადგენს, ასევე ხაზი გაუსვა კიმ ჩენ ინთან მის „ძალიან კარგ ურთიერთობას“.
პენსმა მიანიშნა, რომ სამხრეთ კორეას შესაძლოა აშშ-სთან მჭიდრო ურთიერთობების აღდგენა უკრაინისთვის დახმარების გაწევით დაეწყო.
„სამხრეთ კორეას ძალიან თანამედროვე რაკეტსაწინააღმდეგო სისტემები აქვს და, პრეზიდენტსა და სამხრეთ კორეას შორის ამ კვირაში არსებული გარკვეული უთანხმოებების გათვალისწინებით, ეს შესაძლოა პრეზიდენტ ლი ჯე-მიონგისთვის წინ გადადგმული ნაბიჯის გადადგმის მიზეზი გახდეს - მან ეს რაკეტსაწინააღმდეგო სისტემები შეერთებულ შტატებს გადასცეს, რათა მათი განთავსება შესაძლებელი გახდეს ან ახლო აღმოსავლეთში, ან აქ, უკრაინაში“, - განაცხადა პოლიტიკოსმა.
პენსმა ასევე გამოთქვა რწმუნა, რომ უკრაინა რუსეთთან ომში გაიმარჯვებს.
„ერთი რამ, რაც პრეზიდენტმა ზელენსკიმ ჩემთვის მკაფიოდ აღნიშნა, არის ის, რომ მას სავსებით რეალურად მიაჩნია: ზამთრის მოახლოებასთან ერთად, ადრე თუ გვიან, პუტინი დაიწყებს დარტყმებს არა მხოლოდ საბავშვო სკოლებსა და საავადმყოფოებზე, როგორც ეს ამ კვირაში გააკეთა, და არა მხოლოდ სავაჭრო ცენტრზე, რასაც ათზე მეტი ადამიანის სიცოცხლე შეეწირა, არამედ ენერგეტიკულ ინფრასტრუქტურაზეც, რათა, ფაქტობრივად, უკრაინელ ხალხს მძიმე ზამთრის გადატანა აიძულოს“, - განაცხადა პენსმა.
პენსი უკრაინაში დამოუკიდებლობის დღისადმი მიძღვნილ ღონისძიებაზე დასასწრებად ჩავიდა, სადაც ყოფილ სპეციალურ წარმომადგენელ კიტ კელოგთან ერთად სიტყვით გამოვიდა.
