შპს "საქართველოს მელიორაცია" მარნეულის მუნიციპალიტეტში სამელიორაციო ინფრასტრუქტურის მოწესრიგების სამუშაოებს ახორციელებს, რომლის დასრულების შემდეგ 250 ჰექტრამდე სასოფლო-სამეურნეო მიწის სარწყავი წყლით უზრუნველყოფა გაუმჯობესდება.
ამ ეტაპზე დანალექი გრუნტისა და ბალახეული საფარისგან იწმინდება ბარათაანთ კარის მაგისტრალური არხის 10-კილომეტრიანი და ძველი სადახლოს მაგისტრალური არხის 5-კილომეტრიანი მონაკვეთები.
სამუშაოები მიზნად ისახავს საირიგაციო სისტემების გამართული ფუნქციონირების უზრუნველყოფას, წყლის ეფექტიან განაწილებასა და ფერმერებისთვის სარწყავი წყლის ხელმისაწვდომობის გაუმჯობესებას.
