რუსული მხარის განცხადებით, თათრეთის რესპუბლიკაში ნიჟნეკამსკზე უკრაინული დრონების თავდასხმას 12 ადამიანი ემსხვერპლა, 39 კი დაშავდა.
„ამ დროისთვის არსებული ინფორმაციით, ნიჟნეკამსკზე მტრის დრონებით განხორციელებული თავდასხმის შედეგად 12 ადამიანი დაიღუპა, 39 კი დაშავდა. ყველა მოქალაქეს, ვინც სამედიცინო დახმარებისთვის მიმართა, შესაბამისი დახმარება უტარდება“, - განაცხადეს თატრეთის რესპუბლიკის მთავრობის პრესსამსახურში. იუწყება რუსული მედია.
მანამდე თათრეთის პრეზიდენტის პრესსამსახურში განაცხადეს, რომ ორშაბათს დილით რესპუბლიკა მტრის დრონების თავდასხმის ობიექტი გახდა. თავდასხმა როგორც საწარმოო, ისე სამოქალაქო ობიექტებზე განხორციელდა.
რესპუბლიკაში დაღუპულთა ხსოვნის პატივსაცემად გლოვა გამოცხადდა.
