„ჩვენ ვაგრძელებთ ჩვენი შორ მანძილზე მოქმედი სანქციების გამოყენებას რუსეთის იმ ობიექტების წინააღმდეგ, რომლებიც ომის წარმოებას ემსახურებიან და აგრესიას აფინანსებენ, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.
„ჩვენ ვაგრძელებთ ჩვენი შორ მანძილზე მოქმედი სანქციების გამოყენებას რუსეთის იმ ობიექტების წინააღმდეგ, რომლებიც ომის წარმოებას ემსახურებოამ და აგრესიას აფინანსებენ.
გასულ ღამეს, რუსეთის ქალაქ სარატოვში, რომელიც ფრონტის ხაზიდან 600 კილომეტრზე მეტ მანძილზეა, დარტყმა მივაყენეთ ორ სტრატეგიულ ობიექტს - სარატოვის ნავთობგადამამუშავებელ ქარხანას და ენგელსის სამხედრო აეროდრომს.
კალუგის ოლქში დაზიანდა ლიუდინოვსკის ნავთობის საცავის რეზერვუარები. ბრიანსკის ოლქში კი უკრაინელმა სამხედროებმა ზუსტი დარტყმა განახორციელეს ობიექტზე, რომელიც თავდასხმითი დრონების შენახვის, მომზადებისა და გაშვებისთვის გამოიყენებოდა.
მადლობა უკრაინის თავდაცვის ძალების ყველა მებრძოლს, რომლებიც ჩვენს შორ მანძილზე მოქმედების შესაძლებლობებს აფართოებენ და ზუსტ შედეგებს აღწევენ. ჩვენ ომს ვაბრუნებთ იქ, საიდანაც ის მოვიდა“, - განაცხადა უკრაინის პრეზიდენტმა.
