უკრაინის პრეზიდენტი ვოლოდიმირ ზელენსკი დიდ ბრიტანეთში ჩავიდა, სადაც პრემიერ-მინისტრ ენდი ბერნემს შეხვდება. ამის შესახებ ზელენსკი სოციალურ ქსელში წერს.
"ჩავედი დიდ ბრიტანეთში. ჩემი ვიზიტის ფარგლებში დაგეგმილია შეხვედრები პრემიერ-მინისტრ ენდი ბერნემთან, ასევე ჩვენს სამხედროებთან, რომლებიც ამჟამად დიდ ბრიტანეთში იმყოფებიან, მათ შორის მათთან, ვინც Sea Breeze-ის წვრთნებში მონაწილეობდა.
სრულმასშტაბიანი ომის წლების განმავლობაში უკრაინასა და დიდ ბრიტანეთს შორის თანამშრომლობის ისტორიაში ყველაზე ძლიერი ურთიერთობა ჩამოვაყალიბეთ. ჩვენი მთავარი პრიორიტეტებია საჰაერო თავდაცვა, საზღვაო უსაფრთხოება და თავდაცვის სფეროში ერთობლივი წარმოება - თანამშრომლობა, რომელიც ორივე ქვეყანას აძლიერებს.
ვაფასებთ, რომ ყოველთვის შეგვიძლია დიდი ბრიტანეთის პრინციპულ გადაწყვეტილებებს, ლიდერობასა და მხარდაჭერას დავეყრდნოთ.
ჩვენ გავაგრძელებთ მუშაობას, რათა კიდევ უფრო გავაძლიეროთ ჩვენი პარტნიორობა და ჩვენი ქვეყნების უსაფრთხოება,“ - წერს ზელენსკი.
შეგახსენებთ, მანამდე The Independent-მა დაწერა, რომ ბერნემი გამოაცხადებს, რომ დიდი ბრიტანეთი უკრაინას Stone Cloak-ის რადიოელექტრონული ბრძოლის სისტემის ინტელექტუალური საკუთრების უფლებებს გადასცემს, რაც ამ სისტემის მასობრივი წარმოების დაწყების შესაძლებლობას შექმნის.
