აშშ-ის პრეზიდენტმა დონალდ ტრამპმა 23 ივლისს განაცხადა, რომ სერიოზულად განიხილავს ირანის წინააღმდეგ ფართომასშტაბიანი სამხედრო ოპერაციის განახლებას,
ტრამპის თქმით, ასეთ გადაწყვეტილებას შედეგები მოჰყვება, თუმცა საბოლოო გადაწყვეტილება ჯერ მიღებული არ აქვს.
„განვიხილავ მასშტაბური დარტყმის განხორციელებას - უფრო მასშტაბურის, ვიდრე ოდესმე. გადაწყვეტილების მიღებასთან ძალიან ახლოს ვარ. ამისთვის სრულად მზად ვართ“,- განაცხადა აშშ-ის პრეზიდენტმა.
ტრამპმა ასევე აღნიშნა, რომ თუ თავად სთხოვს, ისრაელი „ორ წუთში შეუერთდება“ ოპერაციას, თუმცა დასძინა, რომ ახალი სამხედრო მოქმედებების დასაწყებად „არავინ სჭირდებათ“.
ტრამპს არ დაუსახელებია, როდის მიიღებს საბოლოო გადაწყვეტილებას. კიდევ ორმა ამერიკელმა მაღალჩინოსანმა დაადასტურა, რომ გადაწყვეტილება ჯერ მიღებული არ არის და სამხედროებს ახალი ბრძანებები არ მიუღიათ.
ამასთან, კონფლიქტის მიმდინარე ესკალაციის ფონზე ნავთობის ფასი ბარელზე 100 დოლარს გადააჭარბა. ამასთან, აშშ-ში ირანთან სრულმასშტაბიანი ომის განახლება უკიდურესად არაპოპულარულია.
ტრამპის თქმით, ირანელებს „მოლაპარაკებების დაწყება სურთ“, თუმცა შეთანხმების გაფორმებისთვის ჯერ მზად არ არიან.
„მათ ჯერ საკმარისი ტკივილი არ უგრძნიათ“, - განაცხადა აშშ-ის პრეზიდენტმა.
