თელავში ამ დრომდე სტიქიას ებრძვიან.
თელავის მცხოვრებლები ამბობენ, რომ ძლიერი წვიმის შედეგად თელავის ხევი კალაპოტიდან გადმოვიდა, ადიდებულმა წყალმა კი გზები ქვა-ღორღით დაფარა, ხეები მოგლიჯა და ქალაქის რამდენიმე უბანში გადაადგილება მნიშვნელოვნად გაართულა.
უამინდობამ თელავის გარდა მუნიციპალიტეტის რამდენიმე სოფელი დააზარალა.
დატბორილია სასოფლო-სამეურნეო სავარგულები და ვენახები. ადგილობრივების თქმით, სტიქიამ მსხმოიარე ვენახები დააზიანა, რამაც მათ მნიშვნელოვანი ზარალი მიაყენა.
მოსახლეობის განცხადებით, ბევრ ოჯახს საბანკო ვალდებულებები აქვს და შექმნილი მდგომარეობიდან გამომდინარე, სახელმწიფოსგან დახმარებას ითხოვს.
წინანდალში, კისისხევსა და კურდღელაურში ხევები ადიდდა. უხვმა ნალექმა დატბორა სასოფლო-სამეურნეო სავარგულები და ვენახები.
კადრი: "მთავარი ამბები კახეთიდან"
