მოსკოვის მერმა სერგეი სობიანინმა განაცხადა, რომ გასულ ღამეს მოსკოვისა და მოსკოვის ოლქს 430-ზე მეტმა უპილოტო საფრენმა აპარატმა შეუტია.
ამის შესახებ სობიანინი Telegram-ში წერს.
სობიანინი 2:40 საათიდან ავრცელებდა ინფორმაციას რამდენიმე უპილოტო საფრენი აპარატის განადგურების შესახებ. დილით მან განაცხადა, რომ, მისი თქმით, საუბარია 400-ზე მეტ დრონზე. ცალკეულ შემთხვევებში მოსკოვის მერმა განაცხადა, რომ ჩამოგდებული აპარატების „ნამსხვრევები“ ჩამოცვივდა.
„საღამოდან დილის 6 საათამდე მოსკოვის ოლქის მიმართულებით 430-ზე მეტმა უპილოტო საფრენმა აპარატმა იფრინა. მათი უმეტესობა საჰაერო თავდაცვის ძალებმა შორეულ მისადგომებთან გაანადგურეს.
მოსკოვთან მიახლოებისას განადგურდა მტრის 36 უპილოტო საფრენი აპარატი,“ - წერს სობიანინი.
