ამტკიცებს, თითქოს რუსეთის ძალებმა დონბასში კოსტიანტინივკა აიღეს, თუმცა ეს სიმართლეს არ შეესაბამება. ეს მორიგი რუსული დეზინფორმაციაა, რომელიც მხოლოდ საინფორმაციო ეფექტის შექმნას ისახავს მიზნად, - ამის შესახებ უკრაინის პრეზიდენტი ვოლოდიმირ ზელენსკი X-ზე წერს.
"აშშ-ის დამოუკიდებლობის დღის წინა დღეს, პუტინმა მსოფლიოსა და დონალდ ტრამპის მორიგი ტყუილი უთხრა ფრონტზე არსებული მდგომარეობის შესახებ. ის ამტკიცებს, თითქოს რუსეთის ძალებმა დონბასში კოსტიანტინივკა აიღეს, თუმცა ეს სიმართლეს არ შეესაბამება. ეს მორიგი რუსული დეზინფორმაციაა, რომელიც მხოლოდ საინფორმაციო ეფექტის შექმნას ისახავს მიზნად.
კოსტიანტინივკა მართლაც რუსეთის კონტროლის ქვეშ რომ ყოფილიყო, ალბათ, პუტინს ჩემთან იქ შეხვედრის პრობლემა არ ექნებოდა, რათა ამ ომის დასრულების დიპლომატიური გზა გვეპოვა. მაგრამ ის ფრონტის ხაზის გადმოკვეთასაც კი ვერ ბედავს - რეალობა სრულიად განსხვავდება იმისგან, რასაც პუტინი ამბობს.
მადლობა ყველა ჩვენს მებრძოლს, რომლებიც უკრაინასა და ჩვენს ხალხს იცავენ", - წერს ზელენსკი.
შეგახსენებთ, ვლადიმირ პუტინმა განაცხადა, რომ რუსეთის ძალებმა „კონსტანტინოვკა დაიკავეს“.
