უკრაინამ და შვედეთმა Gripen E-ის ტიპის 16 ერთეული გამანადგურებლის შესყიდვის თაობაზე შეთანხმება გააფორმეს. ამის შესახებ უკრაინის პრეზიდენტმა ვოლოდიმირ ზელენსკი განაცხადა.
თვითმფრინავებთან ერთად უკრაინა შეიძენს აღჭურვილობის, ტექნიკური მომსახურებისა და მხარდაჭერის პაკეტსაც.
„ასევე, პრემიერ-მინისტრ ულფ კრისტერსონთან მიღწეული წინასწარი შეთანხმებების ფარგლებში, პირველი 16 Gripen C/D უკვე 2027 წლის დასაწყისში გადაეცემა ჩვენს საჰაერო ძალებს“, - განაცხადა ზელენსკიმ.
მან ასევე შვედეთის თავდაცვის მინისტრ პოლ იონსონთან განიხილა თავდაცვის სფეროში თანამშრომლობა, მათ შორის Drone Deal-ის ფორმატი და ანტიბალისტიკური სისტემების ერთობლივი განვითარება.
უკრაინის თავდაცვის მინისტრმა მიხაილო ფედოროვმა განმარტა, რომ Gripen E-ის გამანადგურებლებს ევროკავშირის სასესხო პროგრამის დაფინანსებითა და გაერთიანებული სამეფოს მხარდაჭერით შეიძინენ.
მისი თქმით, Gripen E-ის მიწოდება 2029 წლის დასაწყისში დაიწყება.
მანამდე, 2025 წლის ოქტომბერში, უკრაინამ და შვედეთმა ხელი მოაწერეს განზრახვის წერილს JAS 39 Gripen-ის შესაძლო მიწოდების შესახებ. იმ დროს ზელენსკი აცხადებდა, რომ უკრაინა 150 გამანადგურებლის მიღებას ელოდა.
