აშშ-მა 23 ივნისს კუბის ეკონომიკისთვის მნიშვნელოვან ხუთ სახელმწიფო კომპანიას სანქციები დაუწესა ამის შესახებ სააგენტო Reuters იუწყება.. ვაშინგტონის განცხადებით, შეზღუდვების მიზანია იმ სტრუქტურების დასუსტება, რომლებიც, ამერიკული მხარის შეფასებით, ქვეყნის მმართველი ელიტისა და უსაფრთხოების სისტემის ინტერესებს ემსახურებიან.
.აშშ-ის სახელმწიფო მდივნის, მარკო რუბიო განცხადებით, სანქციები ხუთ კუბურ კომპანიას შეეხო, რომელთაგან სამი დაკავშირებულია სამხედროების მიერ მართულ ბიზნეს-კონგლომერატ Grupo de Administración Empresarial S.A. (GAESA)-თან.
სხვადასხვა შეფასებით, GAESA კუბის მთლიანი შიდა პროდუქტის დაახლოებით 40%-ს აკონტროლებს და 2024 წლის მონაცემებით 14,5 მილიარდი დოლარის მოცულობის ლიკვიდურ რეზერვებს ფლობს.
სანქციების ქვეშ მოქცეული კომპანიები საქმიანობენ საქონლის ექსპორტ-იმპორტის, უცხოური ინვესტიციების, ფინანსური ოპერაციებისა და ფოლადის წარმოების სფეროებში.
ამასთან, შეზღუდვები დაუწესდა ალეხანდრო კასტროს მეუღლეს. ალეხანდრო კასტრო კუბის ყოფილი ლიდერის, რაულ კასტროს შვილია და ქვეყნის ეროვნული უსაფრთხოების საბჭოს ხელმძღვანელის თანამდებობას იკავებს.
აშშ-ის სახელმწიფო მდივანმა, მარკო რუბიო, განაცხადა, რომ კუბის მმართველი რეჟიმი სამხედროების მიერ კონტროლირებულ კონგლომერატს საკუთარი გამდიდრების, ასევე რეპრესიების, თვალთვალისა და ანტიამერიკული საქმიანობის დასაფინანსებლად იყენებს.
სანქციების საპასუხოდ, კუბის საგარეო საქმეთა მინისტრმა, ბრუნო როდრიგესმა, ვაშინგტონის გადაწყვეტილებას „დაუნდობელი აგრესიისა“ და „კოლექტიური დასჯის“ გაგრძელება უწოდა.
როდრიგესმა ასევე გააკრიტიკა რუბიო, რომლის მშობლებიც კუბიდან ემიგრირებულები იყვნენ, და მას „არაკეთილსინდისიერი“ და „მატყუარა“ უწოდა.
