ირანის ისლამური რევოლუციის გუშაგთა კორპუსმა განაცხადა, რომ აშშ-ის მიერ საჰაერო დარტყმების განახლების ფონზე ორმუზის სრუტე ყველა გემისთვის სრულად დახურა.
განცხადების თანახმად, სრუტე დახურულია ყველა ტიპის ხომალდისთვის - სავაჭრო გემებისთვის, ნავთობტანკერებისთვის და სხვა ნებისმიერი სახის საზღვაო ტრანსპორტისთვის.
„ნებისმიერი გემი, რომელიც სრუტის გავლას შეეცდება, სამიზნედ იქცევა,“- ნათქვამია განცხადებაში.
CNN-ის ცნობით, ირანის ისლამური რევოლუციის გუშაგთა კორპუსის საჰაერო-კოსმოსური ძალების სარდალმა საიედ ჰოსეინ მუსავი ეფთეხარმა განაცხადა, რომ თეირანს შეუძლია ახლო აღმოსავლეთის რეგიონი „ჯოჯოხეთად აქციოს“, თუ აშშ ჰორმუზის სრუტეში გადაადგილებას საფრთხის შემცველს გახდის.
ამასთან, აშშ-ის ცენტრალური სარდლობა (CENTCOM) უარყოფს განცხადებას, თითქოს ირანმა სრუტე დაბლოკა. ვაშინგტონში აცხადებენ, რომ სავაჭრო გემები ჰორმუზის სრუტით გადაადგილებას კვლავ აგრძელებენ.
ამასთან, ირანის სახელმწიფო მედია იუწყება ჰორმუზის სრუტეში ირანისა და აშშ-ის ძალებს შორის ესკალაციის შესახებ. გავრცელებული ცნობებით, ირანმა თითქოს ამ რეგიონში ორი ხომალდი დააზიანა. თავის მხრივ, აშშ ამტკიცებს, რომ არც ერთი ამერიკული სამხედრო ხომალდი არ დაზიანებულა.
