ამერიკელმა სამხედროებმა ჰორმუზის სრუტეში კიდევ ორი ირანული დრონი ჩამოაგდეს.
ინფორმაციას აშშ-ის ცენტრალური სარდლობა ავრცელებს.
„აშშ-ის ძალებმა ახლო აღმოსავლეთში ორი ირანული დამრტყმელი კამიკაძე-დრონი ჩამოაგდეს, რომლებიც ჰორმუზის სრუტეში საერთაშორისო საზღვაო მიმოსვლისთვის საფრთხეს წარმოადგენდნენ.
ამერიკული ძალები კვლავ სრულ საბრძოლო მზადყოფნაში რჩებიან და მზად არიან, გააგრძელონ თავდაცვა ირანის აგრესიული ქმედებების წინააღმდეგ,“ - ნათქვამია სარდლობის განცხადებაში.
მანამდე აშშ-ის სამხედროებმა ჰორმუზის სრუტეში ოთხი ირანული დრონი ჩამოაგდეს, რის შემდეგაც საპასუხო დარტყმები განახორციელეს ირანის სანაპირო სადამკვირვებლო რადარების პოზიციებზე.
