უკრაინის პრეზიდენტის, ვოლოდიმირ ზელენსკის განცხადებით, კიევში ნატო-ს გენერალური მდივანი მარკ რუტე, ალიანსის სამხედრო კომიტეტის თავმჯდომარე ჯუზეპე კავო დრაგონე, ასევე ნატო-ს 32 წევრი ქვეყნის მუდმივი წარმომადგენლები და მათი მოადგილეები იმყოფებიან.
ზელენსკის ცნობით, ნატოს- ქვეყნების წარმომადგენლები რუსეთის წინააღმდეგ ომში დაღუპულ უკრაინელ მებრძოლთა ხსოვნის მემორიალთან იმყოფებოდნენ.
"ჩვენ ვაფასებთ ალიანსის წარმომადგენლების ამ პატივისცემის ჟესტს ჩვენი მებრძოლების მიმართ, რომლებმაც დაიცვეს ჩვენი ქვეყანა და მთელი ევროპა რუსეთის ბოროტებისგან. ძალიან მნიშვნელოვანია თითოეული მათგანის გახსენება, რომელთა წყალობითაც გვაქვს შესაძლებლობა ვიცხოვროთ თავისუფლად და ავირჩიოთ ჩვენი ცხოვრების წესი", - წერს ზელენსკი.
