30 მაისის ღამეს უკრაინულმა დრონეებმა რუსეთის ტაგანროგის სამხედრო აეროდრომზე „ისკანდერის“ ტიპის რაკეტა და ტუ-142 ტიპის 2 თვითმფრინავი გაანადგურეს

ამის შესახებ უპილოტო სისტემების ძალების მეთაური მაიორი რობერტ „მადიარ“ ბროვდი, სოციალურ ქსელში წერს.

„დრონებმა 30 მაისის ღამეს რუსეთის ტაგანროგის სამხედრო აეროდრომზე გაანადგურეს „ისკანდერის“ სისტემა და ტუ-142 ტიპის 2 თვითმფრინავი… ტაგანროგში განხორციელდა „თავაზიანობის ვიზიტი“ პირველი ოპერატიული ცენტრის დრონების მიერ,“ - აცხადებს უპილოტო ძალების მეთაური.

მეთაურის განმარტევით, ტუ-142 წარმოადგენს შორ მანძილზე მოქმედ თვითმფრინავს, რომელიც აგებულია სტრატეგიული ბომბდამშენის ბაზაზე.

„ისკანდერი“ არის რუსეთის ოპერატიულ-ტაქტიკური სარაკეტო კომპლექსი, რომელიც „მიწა-მიწა“ ტიპის რაკეტებს უშვებს და რომლის გამშვები პოზიცია ტაგანროგის მახლობლად იყო განთავსებული.

„შედეგი არ შემოიფარგლა მხოლოდ ჩამოთვლილი სამიზნეებით - რამდენიმე რაკეტა წყალშიც მოხვდა. ვიდეო მოგვიანებით გავრცელდება,“ - წერს რობერტ „მადიარ“ ბროვდი.

30 მაისის ღამეს დრონებმა რუსეთის როსტოვის ოლქის ქალაქ ტაგანროგის საპორტო ინფრასტრუქტურას შეუტიეს, რის შედეგადაც ცეცხლი გაუჩნდა ტანკერსა და საწვავის რეზერვუარს. ასევე დარტყმის სამიზნე გახდა ნავთობბაზა კრასნოდარის მხარეში.