ირანის სახელმწიფო ტელევიზიამ უზენაესი ლიდერის, მოჯთაბა ხამენეის ახალი განცხადება გაავრცელა.
მოჯთაბა ხამენეი აცხადებს, რომ ისლამური რესპუბლიკა თავის „ბირთვულ და სარაკეტო შესაძლებლობებს“ დაიცავს.
„ოთხმოცდაათი მილიონი ამაყი და ღირსეული ირანელი, როგორც ქვეყნის შიგნით, ისე მის გარეთ, ირანის იდენტობაზე დაფუძნებულ სულიერ, ადამიანურ, სამეცნიერო, ინდუსტრიულ და ტექნოლოგიურ შესაძლებლობებს - ნანოტექნოლოგიიდან და ბიოტექნოლოგიიდან დაწყებული ბირთვული და სარაკეტო შესაძლებლობებით დასრულებული, ეროვნულ აქტივად მიიჩნევს და დაიცავს მათ ისე, როგორც იცავს ქვეყნის წყლებს, მიწასა და საჰაერო სივრცეს,“ — ნათქვამია განცხადებაში.
უზენაესმა ლიდერმა ასევე განაცხადა, რომ სპარსეთის ყურეში ამერიკელების ადგილი „მხოლოდ მისი წყლების ფსკერზეა“, მაშინ როცა ჰორმუზის სრუტე კვლავ თეირანის კონტროლის ქვეშ რჩება.
„ღმერთის შეწევნითა და ძალით, სპარსეთის ყურის რეგიონის ნათელი მომავალი იქნება ამერიკის გარეშე - ისეთი, რომელიც ემსახურება მისი ხალხების პროგრესს, კომფორტსა და კეთილდღეობას,“ განაცხადა ხამენეიმ.
