მოკავშირეები არ არიან მზად დაეხმარონ აშშ-ს ჰორმუზის სრუტის განბლოკვაში. ამის შესახებ Bloomberg წყაროებზე დაყრდნობით იუწყება.
მედიის ცნობით, პარასკევს გაერთიანებული სამეფო და საფრანგეთი გამართავენ შეხვედრას, რომელზეც ჰორმუზის სრუტეში არსებულ ვითარებას განიხილავენ.
ევროპელი ოფიციალური პირების თქმით, რომლებიც პროცესის შესახებ ინფორმირებულები არიან, საზღვაო სამხედრო მისიის შექმნის მიმართულებით მხოლოდ მცირე პროგრესია მიღწეული.
ამასთან, მოკავშირეები არ აპირებენ საკუთარი ძალების განთავსებას მანამდე, ვიდრე მუდმივი ზავი არ დაიდება აშშ-სა და ირანს შორის.
როგორც აღნიშნულია, ამ ეტაპზე მოლაპარაკებები უფრო მეტად დიპლომატიურ ძალისხმევაზეა კონცენტრირებული, რათა დარეგულირდეს კონფლიქტი აშშ-ს ისრაელსა და ირანს შორის, და არა სამხედრო გადაწყვეტილებებზე.
მიუხედავად ამისა, ვაშინგტონი კვლავაც დაჟინებით მოითხოვს მოკავშირეებისგან კონკრეტულ ვალდებულებებს საზღვაო ძალებთან დაკავშირებით.
სხვა წყაროს თქმით, ბრიტანეთი და საფრანგეთი ჯერაც ვერ შეთანხმდნენ სრულად იმაზე, თუ როგორ უნდა იმუშაოს შესაძლო საზღვაო ოპერაციამ ჰორმუზის სრუტეში და რა როლი შეიძლება ჰქონდეს მასში შეერთებულ შტატებს.
ამ დროისთვის დიპლომატები ელოდებიან, როგორ განვითარდება მყიფე სამშვიდობო მოლაპარაკებები, ვიდრე კონკრეტული სამხედრო მისიის შესახებ გადაწყვეტილებას მიიღებენ.
