პარტია „ტისას“ ლიდერს პეტერ მაგიარს საფრანგეთის პრეზიდენტმა, ემანუელ მაკრონმა უნგრეთის საპარლამენტო არჩევნებში გამარჯვება მიულოცა. ამის შესახებ მაკრონმა სოციალურ ქსელში დაწერა.
„საფრანგეთი მიესალმება დემოკრატიული ჩართულობის გამარჯვებას, უნგრელი ხალხის ერთგულებას ევროკავშირის ღირებულებებისადმი და უნგრეთის ევროპაში ყოფნას. ერთად წავიდეთ წინ უფრო სუვერენული ევროპისკენ – ჩვენი კონტინენტის უსაფრთხოების, კონკურენტუნარიანობის და დემოკრატიისთვის“, – წერს ემანუელ მაკრონი.
ცნობისთვის, ხმათა 47 პროცენტის დათვლის შემდეგ, უნგრეთის საპარლამენტო არჩევნებში ოპოზიციური პარტია „ტისა“ ლიდერობს. დათვლილია ხმების 72.44%. „ტისა“ 199-ადგილიან პარლამენტში 138 მანდატს მიიღებს, ხოლო პრემიერ-მინისტრ ვიქტორ ორბანის პარტია „ფიდესი“ და მისი მოკავშირე ქრისტიან-დემოკრატიული სახალხო პარტია (KDNP) 54 ადგილს.
