აშშ-ის ომის მდივანმა პიტ ჰეგსეთმა განაცხადა, რომ შეერთებულმა შტატებმა შესაძლოა, ირანის წინააღმდეგ შემდგომი დარტყმები განახორციელოს, თუ ის ცეცხლის შეწყვეტას თავისი ძალების გადაჯგუფებისთვის გამოიყენებს. ამის შესახებ Sky News იუწყება.
ჰეგსეთს ჰკითხეს, არსებობს თუ არა რისკი, რომ ირანი ცეცხლის შეწყვეტას გამოიყენებს, როგორც შესაძლებლობას „იარაღის სისტემებისა და საჰაერო თავდაცვის საშუალებების ხელახლა აღჭურვისთვის, გადაჯგუფებისა და ხელახლა განლაგებისთვის“.
ჰეგსეთმა აღნიშნა, რომ აშშ-ის ცენტრალური სარდლობა გააკონტროლებს სიტუაციას და გააჩნია რეაგირების მთელი რიგი ვარიანტები, რომელთა გამოყენებისთვაც მზად არის ლეგიტიმური სამხედრო სამიზნეების წინააღმდეგ.
„რაც უფრო მეტად მოქმედებს ირანი, რაც უფრო მეტ ჯარს გადაიყვანს, რაც უფრო მეტ ჯარს განათავსებს ადგილზე, მით უფრო ადვილი იქნება ჩვენთვის მათი აღმოჩენა. გახსოვდეთ, ჩვენ შეგვიძლია თვალყური ვადევნოთ, ჩვენ შეგვიძლია დავინახოთ... ასე რომ, თუ ისინი ხელახლა გადაჯგუფებას შეეცდებიან, ისინი უბრალოდ შეგვიქმნიან მოსახერხებელ სამხედრო სამიზნეებს დარტყმისთვის, თუ არასწორ გადაწყვეტილებას მიიღებენ“, - თქვა ჰეგსეთმა.
