ირანის უზენაესი ლიდერი მოჯთაბა ხამენეი უგონო მდგომარეობაშია და ქალაქ ყუმში მკურნალობას გადის. ამის შესახებ The Jerusalem Post გამოცემა The Times-ზე დაყრდნობით იუწყება. მედიის ცნობით, მოჯთაბა ხამენეის არ შეუძლია მმართველობა.
„მოჯთაბა ხამენეი მძიმე მდგომარეობაშია, ის მკურნალობას ყუმში გადის და რეჟიმის მიერ გადაწყვეტილების მიღების პროცესში მონაწილეობას ვერ იღებს“, - ნათქვამია აშშ-ისრაელის სადაზვერვო მონაცემებზე დაყრდნობით გავრცელებულ დიპლომატიურ ნოტაში, რომელიც სპარსეთის ყურის მოკავშირეებს გადაეცათ.
ეს პირველი შემთხვევაა, როდესაც ხამენეის ადგილსამყოფელი გასაჯაროვდა ომის დაწყების შემდეგ, როდესაც ის 28 თებერვალს პირველი დარტყმების დროს დაიჭრა.
