სახელმწიფო მედიის ცნობით, კუბამ განაცხადა, რომ კუნძულის ციხეებიდან 2000-ზე მეტ პატიმარს გაათავისუფლებს. როგორც Reuters იუწყება, ეს წელს მეორე შემთხვევაა, როდესაც კომუნისტური მთავრობა პატიმრების ამნისტიას აცხადებს აშშ-ის პრეზიდენტ დონალდ ტრამპის ადმინისტრაციასთან მოლაპარაკებების ფონზე.
კუბის სახელმწიფო მედიამ “ ამ ზომას „ჰუმანიტარული და სუვერენული ჟესტი“ უწოდა.
მედიის ცნობით, 2010 პატიმრის გათავისუფლების გადაწყვეტილება მიღებული იქნა მსჯავრდებულთა მიერ ჩადენილი დანაშაულების, ციხეში მათი კარგი ქცევის, იმ ფაქტის, რომ მათ სასჯელის მნიშვნელოვანი ნაწილი მოხდილი ჰქონდათ და მათი ჯანმრთელობის მდგომარეობის საფუძვლიანი ანალიზის საფუძველზე.
ამასთან, კუბის მთავრობა, როგორც ყოველთვის, ახლაც უარყოფს მოსაზრებას, რომ ეს გადაწყვეტილება აშშ-ის ზეწოლის შედეგად არის მიღებული.
Reuters-ის ცნობით, პატიმრების გათავისუფლების შესახებ გადაწყვეტილება მოხდა მას შემდეგ, რაც კუბის საგარეო საქმეთა მინისტრი ვაშინგტონში იმყოფებოდა და საჯაროდ მოუწოდა აშშ-ის ხელისუფლებას, დაეხმაროს კუბას დასუსტებული ეკონომიკის აღდგენაში.
