უკრაინის შეიარაღებული ძალების გენერალურმა შტაბმა განაცხადა, რომ თავდაცვის ძალებმა დარტყმები მიაყენეს დროებით ოკუპირებულ ტერიტორიებზე რუსეთის არაერთ ლოჯისტიკურ ობიექტს, ასევე ოკუპანტი პერსონალის კონცენტრაციას. ამის შესახებ გენშტაბი Facebook-ზე წერს.
„4 მარტის ღამეს, უკრაინის თავდაცვის ძალების დანაყოფებმა იერიში მიიტანეს დროებით ოკუპირებულ დონეცკის რეგიონში, ნიჟნია კრინკას მახლობლად მდებარე საბრძოლო მასალის საწყობებსა და ჩისტიაკოვოს მახლობლად მდებარე ლოჯისტიკურ საწყობებზე, ასევე დროებით ოკუპირებულ ყირიმში, ჩერნომორსკესთან ახლოს მდებარე „გერანის/გერბერას“ სადესანტო უპილოტო საფრენი აპარატის სამეთაურო პუნქტზე,“ -წერს გენშტაბი.
ასევე ვრცელდება ინფორმაცია, რომ უკრაინის შეიარაღებულმა ძალებმა რუსი სამხედროების კონცენტრაციას დნიპროპეტროვსკის რეგიონში, ბერეზოვოს მახლობლად და დონეცკის რეგიონში, პოკროვსკის მახლობლად დარტყმები მიაყენეს.
„მტრის დანაკარგები და ზარალის ოდენობა დგინდება“, - აცხადებს გენშტაბი.
