ლევან ჯანგველძის საქმის ერთ-ერთი მოწმე კონსტანტინე მორგოშია ამბობს, რომ მოკლულ ბიზნესმენს რუსეთი პოლიტიკურ აქტიურობას სთავაზობდა, რაც ფარცხალაძეს აშფოთებდა.  ამის შესახებ მორგოშიამ სასამართლო პროცესზე ილაპარაკა.

"მე მითხრა ეს ამბავი ლევანმა. მე ვუთხარი, ჩემი აზრით, არასწორს აკეთებ, რადგან გთავაზობენ, უნდა ჩაერთო, შენი გავლენა სისტემის გარეთ რომ იყოს გასული, აქაურობა ვერ აიტანს და პრობლემები გექნება-მეთქი"- განაცხადა მოწმემ. 

მორგოშიას თქმით, ლევან ჯანგველაძის ავტორიტეტიდან გამომდინარე მისი გაძლიერების გეგმით, ფარცხალძეს "შფოთვები" ჰქონდა. 

"ლევან ჯანგველაძე მეუბნებოდა, ოთარ ფარცხალაძეს ჩემთან დაკავშირებით ძალიან აქვს შფოთვებიო, ის ამაზე ღიად საუბრობდა. ფარცხალაძის გარეშე ქალაქში არაფერი ხდებოდა. თბილისის ქუჩა ჩაბარებული ჰქონდა ფარცხალაძეს, საბაჟოც მისი იყო, პროკურატურაც, პოლიციაც.

ლევანი კრიმინალური ავტორიტეტი არ ყოფილა, მაგრამ დაახლოებული იყო ადამიანებთან, ვინმეს რამე პრობლემა რომ ეთქვა, შეეძლო მოეკითხა. არ ჰქონდა არც ფინანსების პრობლემა- ეს იცოდა ოთარ ფარცხალაძემაც.

ოთარ ფარცხალაძე იყო მოსული ლევან ჯანგველაძის პანაშვიდზე, თუმცა მე არ შევხვედრივარ.

რაც შეეხება დავით მიქაძეს, მასთან კაზინოს ფულის გამო დაპირისპირებაზე თავად ლევანმა მომიყვა. მითხრა, რომ აპირებდა მანქანის ბრონირებასაც"- განაცხადა მორგოშიამ. 

მისივე თქმით, მან ჯანგველაძე გააფრთხილა: „ფარცხალაძეც გაიგებს, რომ შენ ამას გთავაზობენ, არადა ფარცხალაძეს უნდოდა ეგ მიმართულება-მეთქი“.

„ჯანგველაძეს ვუთხარი, მაშინ უნდა გაყიდო აქტივები და წახვიდე ევროპაში, შენთვის აქ ყოფნა საფრთხის შემცველი იქნება-მეთქი..

ოთარისგან ბევრჯერ მაქვს გაგებული,  რომ იარაღიანი დაცვის აყვანაში დედ ჰასანის შვილიშვილი დაეხმარა თან, ნათელმირონია უსოიანი, რომელიღაც მიქაძის. 

ჩვეულებრივი სპექტაკლია თითქოს ლევანს საბერძნეთში ავტორიტეტებთან ჰქონდა დაპირისპირება. ოჯახსაც კი მიუსამძიმრეს ლევანის მვლელობის შემდეგ საბერძნეთიდან. “მოკითხვა საბერძნეთიდან” ეს გაიგეო, პოლიციელები ეკითხებოდნენ კახა ძანძავას, შეთხზვას ცდილობდნენ.

ჯონათან ჯონი ჩემი ფეისბუქი არ არის. მაქვს ჩემი გვერდი, რომელსაც მართავს ადმინისტრატორი. ეს იყო ელისო კილაძის ლეგენდა, ისეთივე როგორიც თითქოს ლევანმა მე 10 მილიონი მომცა პოლიტიკისთვის", - განაცხადა კოკა მორგოშიამ.