უკრაინის პრეზიდენტმა ვოლოდიმირ ზელენსკიმ იმედი გამოთქვა, რომ უნგრეთის პრემიერ-მინისტრის, ვიქტორ ორბანის პარტია არჩევნებში დამარცხდება, რაც უნგრეთთან ურთიერთობების ნორმალიზებას შესაძლებელს გახდის. ამის შესახებ მან Corriere Della Sera-თან ინტერვიუში ილაპარაკა.
ზელენსკიმ აღნიშნა, რომ ორბანი მნიშვნელოვანი ხდება მაშინ, როდესაც მნიშვნელოვანი პოლიტიკური ძალები მას ძალას ანიჭებენ.
„უნგრეთი მნიშვნელოვანი ქვეყანაა, მაგრამ მას სამხედრო წონა არ აქვს. მე მასთან არ ვსაუბრობ, რადგან მას არ სურს, მაგრამ სლოვაკეთის პრემიერ-მინისტრ რობერტ ფიცოსთან კონტაქტზე ვარ.
„მე მჯერა, რომ ორბანი არჩევნებში დამარცხდება და შემდეგ ჩვენ შევძლებთ უნგრეთთან ნორმალური ურთიერთობების აღდგენას, ასევე იმიტომ, რომ უნგრელი ხალხი პრორუსულად არ არის განწყობილი“, - განაცხადა უკრაინის პრეზიდენტმა.
მან ასევე განაცხადა, რომ რუსეთიდან ენერგორესურსების შესყიდვა მიუღებელია.
„პუტინი ახალ ფინანსურ შემოსავლებს დაუყოვნებლივ გამოიყენებს იარაღის შესაძენად, რომელსაც უკრაინის წინააღმდეგ მიმართავს“, - აღნიშნა ზელენსკიმ.
პრეზიდენტმა კიდევ ერთხელ გააკეთა კომენტარი რუსული ნავთობის „დრუჟბას“ მილსადენის მეშვეობით ტრანსპორტირების აღდგენის მოთხოვნაზე.
„რუსებმა რამდენჯერმე დაბომბეს „დრუჟბა“, შემდეგ კი თავს დაესხნენ ჩვენს ტექნიკოსებს, რომლებიც მას აღადგენდნენ. რატომ არ დაადანაშაულა ორბანმა რუსები დაბომბვაში? მე ეს ფივოს ავუხსენი: მილსადენი განადგურებულია; მის აღსადგენად ცეცხლის შეწყვეტაა საჭირო და ეს პუტინისთვის ნათლად უნდა იყოს განმარტებული“, - თქვა მან.
