დიდი ბრიტანეთის პრემიერ-მინისტრმა კირ სტარმერმა განაცხადა, რომ მისი ქვეყანა კვიპროსში სამხედრო ბაზების დაცვას აძლიერებს. მისი განცხადებით, კვიპროსში გაიგზავნება დრონების საწინააღმდეგო იარაღით აღჭურვილი ვერტმფრენები და საჰაერო თავდაცვის გამანადგურებელი HMS Dragon-ი.
სტარმერის თქმით, გადაწყვეტილება კვიპროსის პრეზიდენტთან საუბრის შემდეგ მიიღო.
„ყოველთვის ვიმოქმედებთ დიდი ბრიტანეთისა და ჩვენი მოკავშირეების ინტერესებიდან გამომდინარე“, – განაცხადა კირ სტარმერმა.
ცნობისთვის, დიდი ბრიტანეთის ხელისუფლება ვერ თანხმდებოდა, გაეგზავნა თუ არა კვიპროსში „45 ტიპის“ საჰაერო თავდაცვის გამანადგურებელი. „45 ტიპის“ საჰაერო თავდაცვის გამანადგურებელი HMS Dragon-ი ბრიტანეთის არსენალში ერთადერთი ხომალდია, რომელსაც ბალისტიკური რაკეტების ჩამოგდება შეუძლია.
