მალე გაიგებთ, რა იქნება პასუხი, - ამის შესახებ აშშ-ის პრეზიდენტმა დონალდ ტრამპმა ერ რიადში აშშ-ის საელჩოზე დრონით თავდასხმის შემდეგ NewsNation-ს განუცხადა.
„ჩვენ მათ უზარმაზარ ზიანს ვაყენებთ. ჩვენ მათ კოლოსალურ ზიანს ვაყენებთ“, - თქვა ტრამპმა.
მან აღნიშნა, რომ ვაშინგტონი „ძალიან ახლოსაა“ თავისი მიზნის მიღწევასთან.
ტრამპს კითხვა დაუსვეს, თუ ვინ აკონტროლებს ამჟამად ირანს, მან უპასუხა: „ამას ძალიან მალე გაიგებთ“.
ამერიკულ ობიექტებზე ან აშშ-ის ტერიტორიაზე თავდასხმებთან დაკავშირებით, ტრამპმა აღნიშნა, რომ „ეს ომის ნაწილია“.
„ეს ომის ნაწილია, მოსწონს ეს ხალხს თუ არა, მაგრამ ასეა“, - თქვა მან.
საუდის არაბეთის თავდაცვის სამინისტრომ განაცხადა, რომ წინასწარი მონაცემებით, დიპლომატიურ მისიას ორი დრონი დაესხა თავს, რამაც მცირე ხანძარი გამოიწვია.
უწყებაში აღნიშნეს, რომ დაზიანება უმნიშვნელო იყო. მედიამ მოგვიანებით დააზუსტა, რომ ქვეყანაში რვა დრონი ჩამოაგდეს.
Fox News-ის კორესპონდენტმა ჯენიფერ გრიფინმა X-ში, ოფიციალურ პირზე დაყრდნობით, დაწერა, რომ თავდასხმის დროს დიპლომატიურ მისიაში არავინ იმყოფებოდა და დაშავებულები არ ყოფილან.
