სამხრეთ სუდანის რუვენგის ადმინისტრაციულ რაიონში მდებარე ქალაქს უცნობი პირების ჯგუფი დაესხა თავს, რის შედეგადაც, სულ მცირე, 122 ადამიანი დაიღუპა, მათ შორის 82 მშვიდობიანი მოქალაქე. ინფორმაციას Reuters რეგიონის ინფორმაციის მინისტრზე დაყრდნობით ავრცელებს.
ინფორმაციის მინისტრმა ჯეიმს მონილიაკ მიჯოკმა განაცხადა, რომ ბოლო თავდასხმა რუვენგის შტატის ქალაქ აბიემნჰომში მოხდა, როდესაც მეზობელი უნიტის შტატის მაიომის ოლქიდან ჩამოსულმა ახალგაზრდებმა ქალაქში შეიჭრნენ და სამ საათზე მეტხანს იბრძოლეს.
მედიის ცნობით, ბოლო თვეების განმავლობაში ქვეყანაში ძალადობა გაიზარდა, რადგან პოლიტიკური დაპირისპირება საფრთხეს უქმნის 2018 წლის მყიფე სამშვიდობო შეთანხმებას.
