დიდი ბრიტანეთის, საფრანგეთისა და გერმანიის ლიდერებმა ახლო აღმოსავლეთში მიმდინარე მოვლენების შესახებ ერთობლივი განცხადება გაავრცელეს.
განცხადებაში აღნიშნულია, რომ სამივე ქვეყანა მზადაა, ნაბიჯები გადადგას რეგიონში თავიანთი ქვეყნებისა და მოკავშირეთა ინტერესების დასაცავად.
განცხადებაში ნათქვამია, რომ ნაბიჯები პოტენციურად შეიძლება მოიცავდეს ირანის რაკეტებისა და დრონების განადგურების მიზნით აუცილებელი და პროპორციული თავდაცვითი ზომების მიღებას. დიდი ბრიტანეთი, საფრანგეთი და გერმანია აცხადებენ, რომ მზად არიან ირანის რაკეტები და უპილოტო საფრენი აპარატები ირანის ტერიტორიაზე დაბომბონ, ვიდრე მათ გამოიყენებენ, თუ ეს აუცილებელი გახდება. ლიდერების განცხადებით, ამ მიზნით აშშ-თან და რეგიონის სხვა მოკავშირეებთან განაგრძობენ თანამშრომლობას.
„ჩვენ გადავდგამთ ნაბიჯებს ჩვენი და რეგიონში ჩვენი მოკავშირეების ინტერესების დასაცავად, პოტენციურად აუცილებელი და პროპორციული თავდაცვითი ქმედებების განხორციელების გზით", - ნათქვამია ლიდერების განცხადებაში.
