ისრაელმა ირანის წინააღმდეგ პრევენციული დარტყმა განახორციელა. ამის შესახებ ისრაელის თავდაცვის მინისტრმა, ისრაელ კაცმა გამოაცხადა.
ისრაელ კაცის განცხადებით, „მთელ ქვეყანაში საგანგებო მდგომარეობა გამოცხადდა“.
„ისრაელის სახელმწიფომ ირანის წინააღმდეგ პრევენციული დარტყმა განახორციელა ისრაელის სახელმწიფოს წინაშე არსებული საფრთხის აღმოფხვრის მიზნით“, - აცხადებს კაცი.
ისრაელმა თავისი საჰაერო სივრცე დახურა.
ირანული მედიის ცნობით, თეირანში სულ მცირე ხუთი აფეთქება მოხდა.
