აშშ-ის სახელმწიფო დეპარტამენტმა ისრაელში უსაფრთხოების რისკების გამო საელჩოს არასაჭირო პერსონალის ევაკუაცია გამოაცხადა. ამის შესახებ Axios იუწყება.
პარასკევს, 27 თებერვალს, სახელმწიფო დეპარტამენტმა გამოაცხადა ისრაელში საელჩოს თანამშრომლების ნაწილისა და მათი ოჯახების ევაკუაციის დაწყების შესახებ.
ელჩმა მაიკ ჰაკაბიმ კოლეგებს წერილი გაუგზავნა, რომელშიც ნათქვამია, რომ მათ, ვისაც წასვლა სურს, ეს პარასკევს უნდა გააკეთონ.
საელჩო გააგრძელებს ფუნქციონირებას; ელჩი, დიპლომატების დიდი ნაწილი და ამერიკელი თანამშრომლები ისრაელში დარჩებიან.
როგორც მედია აღნიშნვს, აღნიშნული ინფორმაცია შეიძლება იყოს კიდევ ერთი ნიშანი იმისა, რომ ტრამპის ადმინისტრაცია უახლოვდება გადაწყვეტილებას ირანის წინააღმდეგ ისრაელთან ერთად სამხედრო მოქმედებების შესახებ.
