უკრაინა და რუსეთი ზაპოროჟიეს ატომურ ელექტროსადგურთან ცეცხლის დროებით შეწყვეტაზე შეთანხმდნენ.
ამის შესახებ ატომური ენერგიის საერთაშორისო სააგენტო (IAEA) პრესსამსახურმა განაცხადა.
აღნიშნულია, რომ ამჟამად ძალაში შედის ატომური ენერგიის საერთაშორისო სააგენტოს შუამავლობით შეთანხმებული კიდევ ერთი ადგილობრივი ცეცხლის შეწყვეტა, რომლის მიზანია ზაპოროჟიეს ატომური ელექტროსადგურის 330 კვ-იანი სარეზერვო ენერგომომარაგების აღდგენა.
„განნაღმვითი სამუშაოები გრძელდება სარემონტო ჯგუფებისთვის უსაფრთხო წვდომის უზრუნველსაყოფად“, - განაცხადა სააგენტოს გენერალურმა დირექტორმა რაფაელ გროსიმ.
