ევროკომისიამ განაცხადა, რომ უნგრეთის განზრახვას, გაგზავნოს სადამკვირვებლო მისია უკრაინაში ნავთობსადენ “დრუჟბას” მდგომარეობის შესამოწმებლად და მის მზადყოფნას, მიიღოს მისი დასკვნები დადებითად მიიჩნევს.
ამის შესახებ უკრაინული მედია ევროკომისიის წარმომადგენელ, ანა-კაისა იტკონენზე დაყრდნობით იუწყება.
ევროკომისია მიესალმება ორბანის სურვილს, გაგზავნოს მისია ნავთობსადენ „დრუჟბას“შესამოწმებლად.
„ჩვენ მივესალმებით პრემიერ-მინისტრ ორბანის მზაობას, გაგზავნოს ასეთი მისია და ვეთანხმებით მის დასკვნებს. ეს დადებითი ნაბიჯია“, - განაცხადა იტკონენმა.
მან დასძინა, რომ შემდეგი ნაბიჯები უნდა გადაოდგას იმის სანახავად, თუ როგორ და რა ფორმით განხორციელდება ფაქტების დამდგენი მისია.
„ამჟამად ჩვენ ამ საკითხთან დაკავშირებით უკრაინის ხელისუფლებასთან კონტაქტზე ვართ და ვაგრძელებთ მუშაობას ჩვენს წევრ სახელმწიფოებთან, რათა უზრუნველვყოთ მომარაგების უსაფრთხოება. ამავდროულად, ჩვენ ველით, რომ ევროკავშირის ყველა ლიდერი შეასრულებს ევროპული საბჭოს სხდომაზე აღებულ ვალდებულებებს“, - დასძინა იტკონენმა.
