შვედეთის შეიარაღებულმა ძალებმა გააუვნებელყვეს რუსული დრონი, რომელიც ფრანგულ ატომურ ავიამზიდს, „შარლ დე გოლს“ მიუახლოვდა. ინფორმაციას შვედეთის საზოგადოებრივი მაუწყებელი (SVT) შვედეთის შეიარაღებული ძალების განცხადებაზე დაყრდნობით ავრცელებს.
მედიის ცნობით, შვედეთის შეიარაღებულმა ძალებმა ჩაახშეს რუსული უპილოტოს სიგნალი, რომელიც მალმო პორტში გაჩერებულ ფრანგულ ატომურ ავიამზიდს უახლოვდებოდა.
აღნიშნულია, რომ ფრანგული ავიამზიდი “შარლ დე გოლი” შვედეთის ქალაქ მალმოს პორტში იმყოფება, სადაც სტრატეგიულ წვრთნებში მონაწილეობა უნდა მიიღოს.
“შვედეთის სამხედრო-საზღვაო ძალების გემმა საეჭვო დრონი შეამჩნია ორებროში საზღვაო პატრულირების დროს. ამასთან დაკავშირებით, შეიარაღებულმა ძალებმა საპასუხო ზომები მიიღეს შემჩნეული დრონის წინააღმდეგ. შემდგომში დრონთან კონტაქტი დაიკარგა,” - ნათქვამია შვედეთის შეიარაღებული ძალების განცხადებაში.
