მსოფლიო ეკონომიკური ფორუმის პრეზიდენტმა და გენერალურმა დირექტორმა ბორგე ბრენდემ თანამდებობა დატოვა მას შემდეგ, რაც ჯეფრი ეპშტეინთან მისი კავშირების შესახებ გახდა ცნობილი. ინფორმაციას Reuters-ი ბრენდეს განცხადებაზე დაყრდნობით ავრცელებს.
ბრენდეს განცხადებით, გადაწყვეტილება „საფუძვლიანი განხილვის შემდეგ“ მიიღო.
„მადლობელი ვარ ჩემს კოლეგებთან და პარტნიორებთან შესანიშნავი თანამშრომლობისთვის და მჯერა, რომ ახლა შესაფერისი დროა ფორუმისთვის, რომ თავისი მნიშვნელოვანი საქმიანობა ხელისშემშლელი ფაქტორების გარეშე გააგრძელოს“, - აცხადებს ბრენდე.
ბორგე ბრენდე დავოსის მსოფლიო ეკონომიკური ფორუმის პრეზიდენტის თანამდებობას 2017 წლიდან იკავებდა.
