ლონდონის პოლიციამ აშშ-ში ბრიტანეთის ყოფილი ელჩი პიტერ მანდელსონი დააკავა. მას ბრალად ედება სამსახურებრივი მოვალეობის არაკეთილსინდისიერად შესრულება. ყოფილი ელჩის დაკავება მას შემდეგ მოხდა, რაც გაირკვა, რომ მანდელსონს ახლო კავშირები ჰქონდა ჯეფრი ეპშტეინთან. ინფორმაციას Sky News ავრცელებს.
გამოცემის ცნობით, აშშ-ში ყოფილი ელჩი, პიტერ მანდელსონი პოლიციამ „თანამდებობრივი უფლებამოსილების ბოროტად გამოყენების ეჭვის საფუძველზე დააკავა“.
ლონდონის პოლიციამ ოფიციალურ განცხადებაში დაკავებულის ვინაობა არ დაასახელა.
მანამდე, ჯეფრი ეპშტეინთან კავშირების დადასტურების გამო დიდმა ბრიტანეთმა აშშ-ში გაერთიანებული სამეფოს ელჩი პიტერ მანდელსონი თანამდებობიდან გაათავისუფლა.
მანდელსონმა დატოვა პრემიერ-მინისტრ კირ სტარმერის ლეიბორისტული პარტიაც.
