უამინდობის გამო, შეზღუდვებია დაწესებული საავტომობილო გზებზე რიკოთი-ზესტაფონის, საჩხერე-ჭიათურისა და ტყიბული-ამბროლაურის მიმართულებით.
ამ მონაკვეთზე გადაადგილება მოცურების საწინაამდეგო ჯაჭვების გარეშე აკრძალულია.
დიდთოვლობის გამო ახალქალაქში ათამდე სოფელი გარესამყაროს მოწყდა. ადგილობრივებთან დაკავშირება ვერ ხერხდება. ადგილზე შესაბამისი ტექნიკაა მობილიზებული. სავარაუდოდ, დღის ბოლომდე სოფლებამდე მისასვლელ გზებს გაწმენდენ.
სამ მეტრს გადააჭარბა თოვლის საფარმა ხულოს რაიონში. გამგეობა საგანგებო რეჟიმზეა გადასული. იწმინდება ცენტრალური და სოფლებთან დამაკავშირებელი გზები. რაიონში მობილიზებულია სამაშველო ჯგუფი.
უამინდობის გამო გუდაური-კობის მიმართულებით მოძრაობა აკრძალულია.
გზების დეპარტამენტის ინფორმაციით, ადგილზე სპეციალური ტექნიკაა მობილიზებული. მეტეოროლოგიური პირობების გაუმჯობებისთანავე გაწმენდითი სამუშაოები დაიწყება.
