აშშ-ის პრეზიდენტი დონალდ ტრამპი ირანზე „შეზღუდული სამხედრო დარტყმის“ განხორციელებას განიხილავს, რათა თეირანი აიძულოს ბირთვული შეთანხმება გააფორმოს. ამის შესახებ The Wall Street Journal იუწყება.
„პრეზიდენტი ტრამპი ირანის წინააღმდეგ შეზღუდულ სამხედრო დარტყმას განიხილავს, რათა მასზე ზეწოლა მოახდინოს ბირთვული შეთანხმების გაფორმება აიძულოს. ეს იქნება პირველი ასეთი ნაბიჯი, მაგრამ არა სრულმასშტაბიანი სამხედრო დარტყმა, რომელმაც შეიძლება ფართომასშტაბიანი რეაგირება გამოიწვიოს,“ - აღნიშნავს გამოცემა.
აღნიშნულია, რომ თუ ტრამპი ასეთ ქმედებებს დაამტკიცებს, პირველი დარტყმა შესაძლოა უახლოეს დღეებში განხორციელდეს და რამდენიმე სამხედრო ან სამთავრობო ობიექტის წინააღმდეგ იყოს მიმართული.
თუმცა, თუ ირანი კვლავაც უარს იტყვის ტრამპის მოთხოვნის შესრულებაზე ურანის გამდიდრების შეჩერების შესახებ, შეერთებული შტატები ფართომასშტაბიანი კამპანიით უპასუხებს, რომელიც, სავარაუდოდ, თეირანში რეჟიმის დამხობისკენ იქნება მიმართული.
ოფიციალური პირების თქმით, შეუძლებელია იმის დადგენა, თუ რამდენად სერიოზულად განიხილავს ტრამპი ამ ვარიანტს კვირების განმავლობაში მიმდინარე განხილვების შემდეგ, თუმცა მისმა თანაშემწეებმა არაერთხელ გამოთქვეს ვარაუდი. თუმცა, როგორც გამოცემა აღნიშნავს, ბოლო დროს, ამ საკითხზე დისკუსიები უფრო მასშტაბურ კამპანიებზე ფოკუსირდა.
