პუტინს კვლავ აქვს ფინანსური სტაბილურობის გარანტიები, და მათი დიდი ნაწილი აქ, ევროპის ზღვებშია, - ამის შესახებ უკრაინის პრეზიდენტმა, ვოლოდიმირ ზელენკიმ მიუნხენის უსაფრთხოების კონფერენციაზე სიტყვით გამოსვლის დროს განაცხადა.
მისი თქმით, უკრაინისთვის მნიშვნელოვანია, რომ უსაფრთხოების გარანტიების შესახებ შეთანხმება ომის დასრულების ნებისმიერ შეთანხმებაზე ადრე დაიდოს
„PURL-ი (უკრაინის პრიორიტეტული მოთხოვნების სია) არის პროგრამა, რომლის ფარგლებშიც ჩვენშევძელით უკეთესი იარაღის მიღება, რაც რუსეთის თავდასხმისგან მოსახლეობის დაცვის საშუალებას გვაძლევს. Საჰაერო თავდაცვის რაკეტების უმეტესობა PURL-ის მეშვეობით მოგვეწოდება. ეს პროგრამა ევროპის წყალობით ფუნქციონირებს.
პუტინს სანქციების გვერდის ავლა მსოფლიო მასშტაბით თანამზრახველების მეშვეობით შეუძლია, როგორებიც არიან ჩრდილოეთ კორეა და ჩინეთი. გარდა ამისა, პუტინს კვლავ აქვს ფინანსური სტაბილურობის გარანტიები, და მათი დიდი ნაწილი აქ, ევროპის ზღვებშია, რუსული ნავთობტანკერები კვლავ თავისუფლად მოძრაობენ ევროპის სანაპიროებზე ბალტიისა და ჩრდილოეთის ზღვებში“, - განაცხადა მან.
-უკრაინის პრეზიდენტის თქმით, პუტინი „იმედოვნებს, რომ მიუნხენს გაიმეორებს - არა 2007 წლის მიუნხენს, როდესაც მხოლოდ ევროპის გაყოფაზე საუბრობდნენ, არამედ 1938 წლის მიუნხენს, როდესაც წინა პუტინმა რეალურად ევროპის გაყოფა დაიწყო“.
ზელენსკიმ იმედი გამოთქვა, რომ დონალდ ტრამპი მას მოუსმენს და ომის დასრულებას დააჩქარებს.
„ვფიქრობთ, რომ უსაფრთხოების გარანტიების შესახებ შეთანხმება ომის დასრულების ნებისმიერ შეთანხმებაზე ადრე უნდა დაიდოს. ეს გარანტიები პასუხობს მთავარ კითხვას, რომ ომი აღარ იქნება. ვიმედოვნებთ, პრეზიდენტი ტრამპი მოგვისმენს. ვიმედოვნებთ, კონგრესი მოგვისმენს“, - აღნიშნა უკრაინის პრეზიდენტმა.
