უკრაინის პრეზიდენტის მრჩეველმა დმიტრო ლიტვინმა ჟურნალისტებთან კომენტარში დაადასტურა, რომ უკრაინას, რუსეთსა და შეერთებულ შტატებს შორის მოლაპარაკებების შემდეგი რაუნდი ჟენევაში 17-18 თებერვალს გაიმართება.
ჟენევაში 17-18 თებერვალს გამართული მოლაპარაკებების დადასტურების თხოვნის საპასუხოდ, ლიტვინმა აღნიშნა: „დიახ, დღეის მდგომარეობით, უკრაინის დელეგაცია ემზადება“.
მან დასძინა, რომ დამატებით დეტალებს ეროვნული უსაფრთხოებისა და თავდაცვის საბჭოს მდივანი, რუსტემ უმეროვი გაავრცელებს.
მანამდე, რუსეთის პრეზიდენტის პრესმდივანმა დმიტრი პესკოვმა განაცხადა, რომ სამმხრივი მოლაპარაკებების შემდეგი რაუნდი 17-18 თებერვალს შვეიცარიაში გაიმართება.
