დიდი ბრიტანეთი შეუერთდება ნატო-ს პროგრამას, რომელიც უკრაინისთვის ამერიკული იარაღის შეძენას ითვალისწინებს. ამის შესახებ Politico-ს ბრიტანეთის თავდაცვის მინისტრმა ჯონ ჰილიმ განუცხადა.
დიდი ბრიტანეთი დათანხმდა უკრაინისთვის ამერიკული იარაღის შეძენას, რითაც ის გახდა უახლესი მოკავშირე, რომელიც შეუერთდა ნატო-ს პროგრამას კიევისთვის კრიტიკულად მნიშვნელოვანი იარაღის მიწოდების მიზნით.
„მოხარული ვარ დავადასტურო, რომ დიდი ბრიტანეთი PURL-ის 150 მილიონ ფუნტ სტერლინგს (205 მილიონი აშშ დოლარი) გამოუყოფს“, - განაცხადა ჰილიმ.
„ერთად, ჩვენ უნდა უზრუნველვყოთ უკრაინა კრიტიკულად მნიშვნელოვანი საჰაერო თავდაცვითი სისტემით, რომელიც მას პუტინის სასტიკი თავდასხმის საპასუხოდ სჭირდება“, - დასძინა მან.
უკრაინისთვის პრიორიტეტული საჭიროებების სია [PURL] გასულ ზაფხულს შეიქმნა, რათა უზრუნველყოფილიყო უკრაინისთვის ამერიკული იარაღის მიწოდების უწყვეტი პროცესი.
დონალდ ტრამპის პრეზიდენტობის მეორე ვადის დაწყებიდან ვაშინგტონიდან ახალი სამხედრო დახმარება შეწყდა, თუმცა თეთრი სახლი მზადაა მოკავშირეების მიჰყიდოს უკრაინისთვის გადასაცემი იარაღი.
12 თებერვალს, ბრიუსელში დაგეგმილ ნატო-ს თავდაცვის მინისტრების შეხვედრაზე, შეერთებული შტატები მოელის, რომ ალიანსის წევრი სახელმწიფოები PURL-ის ინიციატივის ფარგლებში უკრაინისთვის ამერიკული იარაღის ახალი შესყიდვების შესახებ განაცხადებენ.
