საქართველოს პროკურატურამ პირადი ცხოვრების საიდუმლოს უკანონოდ მოპოვების, შენახვის, გამოყენების და გავრცელების მცდელობის ფაქტებზე ერთ პირს ბრალდება წარუდგინა. ამის შესახებ ინფორმაციას პროკურატურა ავრცელებს.
მათი ცნობით, დასავლეთ საქართველოს საოლქო პროკურატურის მიერ ჩატარებული გამოძიებით დადგინდა, რომ ბრალდებულმა ფარულად გადაიღო, შეინახა, გამოიყენა დაზარალებულის პირადი ცხოვრების ამსახველი ვიდეო და ფოტო ფაილები. ასევე მათი უკანონოდ გავრცელება სცადა.
„ბრალდებულს ბრალდება საქართველოს სისხლის სამართლის კოდექსის 157-ე პრიმა მუხლის პირველი ნაწილით და (პირადი ცხოვრების საიდუმლოს უკანონოდ მოპოვება, შენახვა, გამოყენება) 19,157 პრიმა მუხლის პირველი ნაწილით (პირადი ცხოვრების საიდუმლოს უკანონოდ გავრცელების მცდელობა) წარედგინა, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს.
აღსანიშნავია, რომ ბრალდებულს სხვა სისხლის სამართლის საქმეზე წარდგენილი აქვს ბრალდება და აღკვეთის ღონისძიების სახით პატიმრობა აქვს შეფარდებული“,- ნათქვამია ინფორმაციაში.
