აშშ-ის პრეზიდენტმა დონალდ ტრამპმა განაცხადა, რომ ჩინეთის ლიდერი სი ძინპინი წელს აშშ-ს ეწვევა. იუწყება AFP
„დიახ, ის [სი] თეთრ სახლში წლის ბოლოსთვის მოვა. ეს ორი ყველაზე ძლიერი ქვეყანაა მსოფლიოში და ჩვენ ძალიან კარგი ურთიერთობები გვაქვს,“ - განაცხადა ტრამპმა.
მედიის ცნობით, ინტერვიუ 4 თებერვალს ჩაიწერა. იმავე დღეს ტრამპმა და სი ძინპინმა ტელეფონით ისაუბრეს ვაჭრობაზე, ტაივანზე, რუსეთის ომზე უკრაინის წინააღმდეგ და ირანში არსებულ ვითარებაზე.
როგორც მოსალოდნელია, აშშ-ის პრეზიდენტი აპრილში ჩინეთს ეწვევა, შემდეგ კი სი ძინპინი შეერთებულ შტატებს.
